వినాయక చవితి సందర్భంగా ముత్యాలమ్మ పాలెం విలువలబడి విద్యార్థుల చేత పర్యావరణ హిత మట్టి గణపతి ప్రతిమల తయారీ

13-8-2025 న వినాయక చవితి సందర్భంగా, అనకాపల్లి జిల్లా ముత్యాలమ్మపాలెం విలువలబడి విద్యార్థులు మరియు విద్యార్థినీ తమ సృజనాత్మకతను జోడించి పర్యావరణ హితమైన మట్టి గణపతి ప్రతిమలు తయారు చేశారు. చిన్నచిన్న చేతులతో ఎంతో మనసు పెట్టి చేసిన ఈ బొజ్జ గణపయ్య విగ్రహాలు అందరినీ ఆకట్టుకున్నాయి.

ఈ కార్యక్రమం ద్వారా విద్యార్థులు వినాయక చవితి పండుగను పర్యావరణానికి హాని కలగకుండా ఎలా జరుపుకోవచ్చో చూపించారు. మట్టి గణపతిని ఉపయోగించడం ద్వారా నీటి కాలుష్యాన్ని తగ్గించడమే కాకుండా ప్రకృతి పరిరక్షణలో తమ వంతు పాత్రను విద్యార్థులు ప్రతిఫలింపజేశారు.

ఉపాధ్యాయులు విద్యార్థులకు మట్టి ప్రతిమల తయారీ విధానం, వాటి ద్వారా పర్యావరణానికి కలిగే లాభాల గురించి వివరించారు. విద్యార్థులు గుంపులుగా చేరి చిన్నచిన్న గణపతులను ప్రేమతో తయారు చేశారు. ఆ గణపతులను చూసిన తల్లిదండ్రులు, ఉపాధ్యాయులు విద్యార్థుల నైపుణ్యాన్ని ప్రశంసించారు.

కార్యక్రమంలో విద్యార్థుల ఉత్సాహం చూసి ప్రతి ఒక్కరూ ఆనందం వ్యక్తం చేశారు. పర్యావరణాన్ని కాపాడుతూ సాంప్రదాయాలను కొనసాగించే ఈ తరహా కార్యక్రమాలను JD Foundation ప్రతి పాఠశాలలో ప్రోత్సహించాలనే సంకల్పంతో ముందుకు సాగుతోంది.