విశాఖపట్నంలో వివిధ ప్రాంతాలలో మొక్కలు నాటే కార్యక్రమం

జీవీఎంసీ జోన్-8 వారు సమకూర్చిన వేప, తురాయి, బాదం, బోగడ, టొబాబియా, కదంభం వంటి మొక్కలను నాటడం జరిగింది.

ఈ కార్యక్రమానికి ముఖ్య అతిథిగా 89వ వార్డు కార్పొరేటర్ శ్రీ దాడి వెంకట రమేష్ గారు హాజరై మాట్లాడుతూ —

• “పర్యావరణ పరిరక్షణకు మొక్కలు నాటడం అత్యంత అవసరం. ప్రతి ఒక్కరూ ఒక మొక్క నాటి, దాన్ని బాధ్యతగా పెంచాలి” అని పిలుపునిచ్చారు.

వక్తలు కూడా వేసిన మొక్కలను స్థానికులు సంరక్షించాలని విజ్ఞప్తి చేశారు.

ఈ కార్యక్రమంలో స్థానికులు, జేడీ గ్రూప్ సభ్యులు ఉత్సాహంగా పాల్గొన్నారు.

భగత్ సింగ్ నగర్ ప్రాంతంలో పాల్గొన్న వారికి వస్త్ర సంచులు అందజేయడం జరిగింది.
అలాగే, సంతోష్ నగర్ – వెంకటాపురం రోడ్ వద్ద వ్యవసాయం చేసుకుంటున్న రైతు ఆకుల వెంకటరావు గారికి కొబ్బరి మొక్కలు అందజేయడం జరిగింది.

18-09-2025: ఈ రోజు జేడీ ఫౌండేషన్ ఆధ్వర్యంలో పర్యావరణ పరిరక్షణలో భాగంగా, రైల్వే ట్రైనింగ్ సెంటర్, మర్రిపాలెం వద్ద జీవీఎంసీ వారు సమకూర్చిన కొబ్బరి, సపోటా, బాదం తదితర మొక్కలు నాటే కార్యక్రమం నిర్వహించబడింది.

ఈ కార్యక్రమంలో

• ట్రైనింగ్ సెంటర్ ప్రిన్సిపాల్ శ్రీ సి.వి.వి.ఎస్. ప్రసాద్ గారు,
• సీనియర్ ఇనస్ట్రక్టర్స్ శ్రీ పి. శ్రీనివాసరావు గారు, శ్రీ ఎస్. అమర్నాథ్ గారు,
• ఇతర రైల్వే అధికారులు మరియు జేడీ గ్రూప్ సభ్యులు పాల్గొన్నారు.