జేడీ ఫౌండేషన్ విశాఖపట్నం కన్వీనర్ శ్రీ రామకృష్ణ గారి గృహం దర్శించిన జీవీఎంసీ అధికారులు

ఈ కార్యక్రమంలో జీవీఎంసీ అడిషనల్ కమిషనర్ శ్రీ నల్లనయ్య గారు, ఏఎంహెచ్‌ఓ శ్రీ కృష్ణంరాజు గారు, వార్డు శానిటరీ ఇన్‌స్పెక్టర్ శ్రీ ఎం. రామకృష్ణ గారు మరియు సచివాలయ సిబ్బంది పాల్గొన్నారు.

సందర్శన సందర్భంగా శ్రీ రామకృష్ణ గారు తమ నివాసంలో అమలు చేస్తున్న పర్యావరణ హిత కార్యక్రమాలను అధికారులకు వివరించారు. ముఖ్యంగా మిద్దె తోటలో పెంచుతున్న వివిధ రకాల మొక్కలను అధికారులు పరిశీలించి, పట్టణ ప్రాంతాల్లో ఇలాంటి పచ్చదన కార్యక్రమాలు ఎంతో అవసరమని అభిప్రాయపడ్డారు.

అలాగే ఇంటి వద్దే సేంద్రియ వ్యర్థాలతో కంపోస్టు తయారు చేసే విధానం, వర్షపు నీటి సంరక్షణకు ఉపయోగపడే ఇంకుడు గుంత (Rainwater Harvesting Pit), మరియు పర్యావరణ పరిరక్షణలో భాగంగా జేడీ ఫౌండేషన్ రూపొందించిన “వెస్ట్ టు వండర్” నమూనాలను పరిశీలించారు.