జేడీ ఫౌండేషన్ ఆధ్వర్యంలో వందలఏళ్ల నాటి బావిలో పూడిక తీసివేత

19-05-2026: జేడీ ఫౌండేషన్ ఆధ్వర్యంలో నిర్వహిస్తున్న “జలమే జీవం” కార్యక్రమంలో భాగంగా, విశాఖపట్నంలోని స్థానిక 89వ వార్డు, యల్లపువానిపాలెం, యల్లపువారి వీధి వద్ద ఉన్న వందల ఏళ్ల నాటి పెద్ద బావిలో పూడిక తొలగింపు కార్యక్రమాన్ని విజయవంతంగా నిర్వహించారు.

ఈ కార్యక్రమంలో జీవీఎంసీ శానిటరీ ఇన్‌స్పెక్టర్ శ్రీ రామకృష్ణ గారు, జేడీ గ్రూప్ సభ్యులు, స్థానిక ప్రజలు, జీవీఎంసీ సిబ్బంది మరియు సచివాలయ సిబ్బంది పాల్గొని కార్యక్రమాన్ని విజయవంతం చేశారు.

ప్రకృతి సంపదను కాపాడటం, భూగర్భ జలాలను సంరక్షించడం మరియు సమాజంలో నీటి విలువపై అవగాహన పెంచడం వంటి లక్ష్యాలతో జేడీ ఫౌండేషన్ చేపడుతున్న “జలమే జీవం” కార్యక్రమం ప్రజల నుంచి విశేష ఆదరణ పొందుతోంది.

---

24-05-2026: పురాతన బావి పునరుద్ధరణ కార్యక్రమంలో తదుపరి దశగా, ఈ రోజు బావికి సమీపంలో ఉన్న డాబా నుండి వర్షపు నీటిని నేరుగా బావిలోకి మళ్లించే పైప్‌లైన్‌ను ఏర్పాటు చేయడం జరిగింది. వర్షాకాలంలో పడే నీరు వృథా కాకుండా బావిలోకి చేరేలా ఈ ఏర్పాట్లు చేపట్టారు.

వందల ఏళ్ల నాటి ఈ బావిని భావితరాలకు ఉపయోగపడే నీటి వనరుగా తీర్చిదిద్దాలనే లక్ష్యంతో పునరుద్ధరణ కార్యక్రమాన్ని దశలవారీగా కొనసాగిస్తున్నారు. ప్రజల భాగస్వామ్యంతో చేపడుతున్న ఈ కార్యక్రమం నీటి సంరక్షణపై అవగాహన పెంపొందించడంతో పాటు, పర్యావరణ పరిరక్షణకు కూడా ఒక ఆదర్శంగా నిలుస్తుందని నిర్వాహకులు పేర్కొన్నారు.