09-04-2026: పర్యావరణ పరిరక్షణలో భాగంగా జేడీ ఫౌండేషన్ ఆధ్వర్యంలో నిర్వహిస్తున్న “Stop Landfill – Drop Used Pens Here” కార్యక్రమంలో భాగంగా ఈ రోజు గోపాలపట్నంలోని ఆదిత్య డిగ్రీ కాలేజీకి పెన్ డ్రాప్ బాక్స్లు అందజేయడం జరిగింది.
వాడేసిన పెన్నులను నిర్లక్ష్యంగా బహిరంగ ప్రదేశాలలో పడవేయడం వల్ల పర్యావరణానికి హాని కలిగే అవకాశం ఉంది. ప్లాస్టిక్తో తయారయ్యే ఈ పెన్నులు సహజంగా కరగకపోవడంతో భూమి కాలుష్యానికి కారణమవుతాయి. ఈ సమస్యకు పరిష్కారంగా జేడీ ఫౌండేషన్ ప్రత్యేకంగా పెన్ డ్రాప్ బాక్స్లను ఏర్పాటు చేస్తోంది.
ఈ కార్యక్రమం ద్వారా విద్యార్థులు మరియు అధ్యాపకులు ఉపయోగించిన పెన్నులను ప్రత్యేకంగా ఏర్పాటు చేసిన బాక్స్లలో వేయవచ్చు. బాక్స్లు నిండిన తరువాత జేడీ ఫౌండేషన్ సభ్యులు వాటిని సేకరించి, సరైన వ్యర్థ నిర్వహణ కోసం జీవీఎంసీ అధికారులకు అందజేస్తారు.
ఇప్పటివరకు జేడీ ఫౌండేషన్ ఈ కార్యక్రమాన్ని 22 పాఠశాలలు మరియు విద్యాసంస్థల్లో విజయవంతంగా అమలు చేసింది. ఈ కార్యక్రమం ద్వారా సుమారు 50 కిలోల వాడిన పెన్నులు సేకరించడం విశేషం. ఇది పర్యావరణ పరిరక్షణ దిశగా ఒక ముఖ్యమైన ముందడుగుగా నిలిచింది.
ఈ సందర్భంగా ఆదిత్య డిగ్రీ కాలేజీ ప్రిన్సిపాల్ శ్రీ ఎన్. హరి సతీష్ కుమార్ గారు, మేనేజ్మెంట్ హెచ్ఓడీ శ్రీమతి సంధ్యారాణి గారు కార్యక్రమాన్ని అభినందించి, విద్యార్థుల్లో పర్యావరణ బాధ్యత పెంపొందించేందుకు ఇటువంటి కార్యక్రమాలు ఎంతో ఉపయోగపడతాయని తెలిపారు.
ఈ కార్యక్రమంలో జేడీ గ్రూప్ సభ్యులు, కళాశాల అధ్యాపకులు మరియు విద్యార్థులు పాల్గొని పర్యావరణ పరిరక్షణపై తమ నిబద్ధతను చాటిచెప్పారు.
జేడీ ఫౌండేషన్ భవిష్యత్తులో మరిన్ని విద్యాసంస్థలకు పెన్ డ్రాప్ బాక్స్లను అందజేసి, వాడిన పెన్నుల సేకరణ కార్యక్రమాన్ని మరింత విస్తృతంగా చేపట్టాలని సంకల్పించింది.
Donate
Spread the word
Contact Us